ABŞ-da təyyarə qəzası: 5 nəfər həlak olub

ABŞ-ın cənub-şərqində, Corciya ştatında kiçik mühərrikli təyyarənin qəzaya uğraması nəticəsində beş nəfər həlak olub, iki nəfər isə yaralanaraq xəstəxanaya yerləşdirilib.

Lent.az-ın «RBK»-ya istinadən məlumatına görə, pilot eniş həyata keçirərkən, idarəetməni itirdiyindən təyyarə elektrik dirəyinə çırpılıb.

Qəza nəticəsində təyyarənin qanadı qırılıb, o, yerə çırpılıb. Hadisə şahidlərinin sözlərinə görə, yerə düşən kimi təyyarədə yanğın baş verib.

Mənbənin bildirdiyinə əsasən, enməyə bir neçə dəqiqə qalmış pilotun yüksəkliyə qalxaraq, təyyarəni eniş zolağından kənara istiqamətləndirməsinə dair məlumat da var.