Ermənistan parlamentinin xarici əlaqələr daimi komissiyası noyabrın 26-da ölkənin müdafiə nazirinin müavini Ara Nazaryan tərəfindən təqdim olunmuş 2013-cü il iyunun 25-i tarixli “Ermənistan Respublikası və Rusiya Federasiyası arasında hərbi-texniki əməkdaşlığın inkişafı haqqında” müqaviləni müzakirəyə çıxarıb.
APA-nın “Novosti Armenii” saytına istinadən verdiyi xəbərə görə, müqavilə Ermənistan və Rusiya arasında hərbi təyinatlı məhsulların sadələşdirilmiş qaydada qarşılıqlı ixracını nəzərdə tutur. Nazir müavini çıxışında bildirib ki, Rusiya bu vaxtadək analoji müqaviləni yalnız Belarusla imzalayıb.
Müzakirə olunan müqavilə komissiyanın müsbət rəyi ilə paraflanması üçün parlamentin müzakirəsinə çıxarılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
