Britaniya baş nazirinin müavini Nik Kleqq bildirib ki, təmsil etdiyi hökumət Suriyada «rejimin dəyişdirilməsini nəzərdən keçirmir» və bu ölkədə vətəndaş müharibəsinin sona çatmasına cəhd göstərmir.
Lent.az-ın «BBC»-yə istinadən məlumatına görə, baş nazirin müavinin sözlərinə əsasən, Britaniya hakimiyyəti Suriyada kimyəvi silahın tətbiqinə cavab olaraq, «qanuni, mütənasib və dəqiq» qərar qəbul etməlidir.
«Dinc insanlara, o cümlədən qadınlara və uşaqlara qarşı kimyəvi silahdan istifadə edilməsi cinayət və beynəlxalq qanunların pozulmasıdır. Əgər biz fəaliyyətsiz qalsaq, o zaman təhlükəli olay yaradacağıq»- deyə, o, vurğulayıb.
Nik Kleqqin üzvü olduğu Liberal-Demokratik Partiya İraqa qarşıda hərbi əməliyyatların əleyhinə olmuşdu. Baş nazirin müavini bildirib ki, Suriyaya qarşı yerüstü hərbi əməliyyatlar aparılmayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
