Ticarət mərkəzində çaxnaşma: Oğru qumbara çıxarıb... - VİDEO

Moskvanın “Voykovskaya” metro stansiyası yaxınlığında yerləşən “Metropolis” ticarət mərkəzində qumbara təhlükəsi ilə bağlı müştərilər evakuasiya edilib.

Lent.az-ın məlumatına görə, bu barədə “Mash” teleqram kanalı “112” xidmətinə istinadən məlumat yayıb.

Ticarət mərkəzinə gələn naməlum şəxs ətir oğurlayarkən mühafizəçi onu görüb və saxlamağa çalışıb. Bu zaman kişi cibindən qumbara çıxararaq yaxınlaşacağı təqdirdə partladacağı ilə hədələyib. Daha sonra o, binadan çıxaraq metro istiqamətinə qaçıb.

Polis həmin şəxsi axtarışına başlayıb.

Bəzi mənbələrə görə, o, hətta silahdan atəş də açıb.