Rusiyada Afrika donuz taununun yeni ocağı aşkarlanıb.
Lent.az-ın TASS agentliyinə istinadən verdiyi məlumata görə, Kominin Sıktıvdinsk rayonunun Malaya Sluda kəndində şəxsi təsərrüfatlardan birində Afrika donuz taunu aşkarlanıb.
Komi Region Hökuməti hazırda taunun aşkarlandığı məkanda mütəxəssislərin taunun yayılmasının qarşısının alınması və ocağın lokallaşdırılması üçün çalışdığını açıqlayıb.
Bundan əvvəl 2021-ci ilin fevralında Komidə Sıktıvkar yaxınlığında başqa bir şəxsi yardımçı təsərrüfatda Afrika donuz taunu ocağı aşkarlanıb. Taun 13 heyvanın ölümünə səbəb olub. Fevralın 15-dən Sıktıvkar və Sıktıvdinsk rayonlarında, o cümlədən qismən Kortkerossk rayonunda Afrika donuz taunu ilə əlaqədar fövqəladə vəziyyət rejimi tətbiq olunur. Karantin zonasında 840-dan çox donuz tələf edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
