NASA-dan şok xəbərdarlıq

NASA-nın Fəza Araşdırma Bölməsinin rəhbəri Shav Domagal-Goldman və rəhbəri olduğu qrup hesabat hazırlayıb.

Lent.az-ın “Hürriyet” qəzetinə istinadən verdiyi məlumata görə, hesabatda qeyd olunur ki, Yer kürəsində artan zərərli qaz tullantıları yadplanetlilərin dünyamıza hücumuna yol aça bilər.

Alimlər bildirirlər ki, Yer kürəsində baş verənləri uzaqdan izləyən yadplanetlilər atmosferdə meydana gələn dəyişiklikləri bir mədəniyyətin nəzarətdən çıxması kimi dəyərləndirərək təhdidin böyüməsinin qarşısını almaq üçün tədbirlər görməyə qərar verə bilərlər.

Qeyd edək ki, bu ehtimal az olsa da, alimlər bir gün mütləq yadplanetlilərlə insanların qarşı-qarşıya gələcəklərinə inanırlar. Shav Domagal-Goldman və qrupunun hazırladığı hesabatda həm də yadplanetlilərlə təmasın mümkün nəticələrindən də bəhs edilir. Alimlər bəşəriyyəti bir gün mütləq baş verəcək bu təmasa hazırlamağa çalışdıqlarını da vurğulayıblar.