Ancelina Coli Türkiyədə – FOTO

Lent.az-ın ‘haberturk.com” saytına istinadən verdiyi məlumata görə, bu gün Hatayda qurulan çadır şəhərciyinə gələn Ancelina Colini Hatay hava limanında vali köməkçisi Orhan Mardinli, polis rəisi Raqib Kılıç, Xarici İşlər Nazirliyinin təmsilçiləri və digər rəsmilər qarşılayıblar.

Hava limanında “Goodness Angel Of The World Wellcome" (Dünyanın yaxşılıq mələyi xoş gəlmisən) yazılmış iri şüar asılıb.

Aktrisanın gəlişi ilə bağlı aeroportun VİP salonunun girişində ciddi təhlükəsizlik tədbirləri görülüb, pərəstişkarlarının ona yaxınlaşmalarına icazə verilməyib.

Qeyd edək ki, Ancelina Colinin təyyarəsindən əvvəl hava limanına onu müşayiət edən insanları daşıyan təyyarə enib. Aktrisanın avtomobil karvanındakı bir avtobusa isə təyyarədən oyuncaqlar yüklənib. VİP salonunda bir müddət dincələn Ancelina Coli daha sonra suriyalı qaçqınlar üçün çadır şəhərciyinin qurulduğu Altınözünə yollanıb.