Fillər şəhərə hücum çəkdi - FOTO

İnsanların kənd təsərrüfatı məhsullarını becərmək üçün torpaqları zəbt etməsi nəticəsində aclıqdan əziyyət çəkən fillər Hindistanın Karnataka əyalətinin Maysur şəhərinə hücum çəkib. Lent.az-ın “newsru.com” saytına istinadən verdiyi məlumata görə, Maysur şəhərində eyni vaxtda 2 fil peyda olub.

Fillər şəhərə 35 kilometr kənardakı meşədən gəlib. Fillərdən biri qız kolleci, digəri yaşayış rayonunun ərazisinə daxil olub. Fillər 3 saat şəhərdə gəzintilərini davam etdirib. Şəhər rəhbərliyi bütün təhsil müəssisələrini bağlayıb, sakinləri küçələrə çıxmamağa, daş ataraq filləri daha da qəzəbləndirməməyə çağırıb.

Ancaq fillərdən biri Bambu-Bazaar rayonunda mühafizəçi 55 yaşlı şəhər sakinini öldürüb. Səs-küyə evindən çıxan fil dişini onun bədəninə soxub və bundan sonra da ona hücumunu davam etdirib. Bu fil eyni zamanda bir inəyi də öldürüb.

Qəzəbli filləri zərərsizləşdirmək üçün əhliləşdirilmiş fillərin bellərində hərəkət edən yerli zooparkın təlimçilərinin xidmətindən istifadə etmək lazım gəlib. Onlar bu fillərə çoxlu içərisində yuxu gətirici dərmanlar olan çoxlu sayda iynə atıblar. Fillər yatırdılaraq aparılıb. Şəhər hakimiyyəti isə şəhər ətrafında 2 vəhşi filin də gəzdiyi barədə sakinlərə xəbərdarlıq edib.

Qeyd edək ki, Maysur şəhəri ətrafındakı meşələrdə 2 minə yaxın fil yaşayır. Bu, Hindistanda ən çox fil olan sahələrdən biridir. Fillər tez-tez qida tapmaq üçün meşədən çıxır.