Küveyt İran casuslarını asmağa qərar verdi

Küveyt məhkəməsi İran casus şəbəkəsinə daxil olmaqda günahlandırılan 3 nəfər haqqında edam hökmü çıxarıb. Lent.az-ın “Əl-Ərəbiyə” telekanalına istinadən verdiyi məlumata görə, məhkəmə prosesin əvvəlində bu işlə bağlı istintaq məlumatlarının yayılmasına qadağa qoyub.

Rəsmi olaraq yalnız o məlumdur ki, Küveyt təhlükəsizlik qüvvələri 2010-cu ilin mayında bir neçə nəfəri həbs edib. Onların arasında həm Küveyt, həm də İran vətəndaşları var.
“Əl-Qabas” qəzeti isə yazıb ki, bu şəxslər İran İslam İnqilabını Mühafizə Korpusu üçün Küveytdəki hərbi obyektlər və ABŞ-ın bu ölkədəki hərbi bazalar haqqında məlumat toplamaqla məşğul olublar. İran hökuməti casusluqla bağlı ittihamları rədd edib.