Liviya qiyamçılarının komandirindən şok etiraf

Liviyada qiyamçı komandirlərdən biri, koalisiya qüvvələrinin hava dəstəyi ilə prezident Müəmmər Qəddafiyə qarşı döyüşən Abdel Hakim əl-Xasidi şok etiraf edib. Lent.az-ın verdiyi məlumata görə, Abdel Hakim əl-Xasidi İtaliyanın “Il Sole 24 Ore” qəzetinə müsahibəsində deyib ki, o, ABŞ İraqa müdaxilə edəndən sonra Liviyanın Derna şəhərində 25 nəfərlə birgə “əl-Qaidə” terror təşkilatının sıralarında döyüşmək üçün bu ölkəyə yollanıb.

Abdel Hakim əl-Xasidi bir il sonra amerikalılara əsir düşüb. Amerikalılar sonradan Abdel Hakim əl-Xasidi tərbiyə olunması üçün Liviya hökumətin təhvil verib və o, 2008-ci ildə azadlığa buraxılıb. Hazırda Abdel Hakim əl-Xasidi və keçmiş döyüşçülərin əksəriyyəti qiyamçıların cərgəsində Müəmmər Qəddafiyə qarşı döyüşür: “Mən və döyüşçülərim “əl-Qadə”nin üzvləriyik. Biz və “əl-Qaidə”nin digər üzvləri də xeyirxah müsəlmanlardır. Bu insanlar xarici müdaxiləyə qarşı döyüşürlər”.