Yaponiya sahilində 2 min adamın cəsədi tapıldı
14 mart 2011 10:49 (UTC +04:00)

Yaponiya sahilində 2 min adamın cəsədi tapıldı

Lent.az-ın “Kiodo” agentliyinə istinadən verdiyi məlumata görə, onların hamısı martın 11-də sunami nəticəsində boğulublar. İndi isə dəniz onların cəsədini sahilə çıxarıb.


Zəlzələ və onun nəticəsində yaranan sunami dalğalarının yol açdığı fəlakətin miqyası isə hələ də məlum deyil. Təkcə Miyaqi əyalətində 10 min insan həyatını itirib. Bu barədə yerli polis şöbəsinin rəisi Naoto Takeuti məlumat verib.

İvate əyalətində isə 50 min insanın taleyindən məlumat yoxdur. Yaponiya polisinin rəsmi məlumatına görə, hazırda fəlakət bölgəsində 3,2 min insan itkin düşmüş sayılır.

Agentliklər sunami qurbanlarının rəsmi sayının 4 min 500-ü keçdiyini açıqlayıblar. Minami-Sanriku şəhərində isə 10 min insanla əlaqə yaratmaq hələ də mümkün olmayıb. Yaponiya Turizm Nazirliyinin məlumatına görə, 2 min 500 turist zəlzələ və sunami zamanı təbii fəlakət zonasında olub. Bu vaxta qədər 450 min insan evakuasiya edilib.
# 408

Oxşar yazılar