Fransa xarici işlər naziri istefaya getdi

Fransa prezidenti Nikolya Sarkozi xarici işlər, daxili işlər və müdafiə nazirlərini dəyişib. Lent.az-ın “France Presse” agentliyinə istinadən verdiyi məlumata görə, Nikolya Sarkozi televiziya ilə xalqa müraciətində deyib ki, baş nazir Fransua Fiyonla güc strukturlarını və Xarici İşlər Nazirliyini yenidən təşkil etməyə qərar veriblər.

Beləliklə, xarici işlər naziri postuna bu vaxta qədər müdafiə naziri olan Alen Jyuppe gətirilib. O, öncəki xarici işlər naziri Michele Alliot-Maridən fərqli olaraq Türkiyəyə isti münasibəti ilə seçilir, zamanında İstanbuldakı Qalatasaray Universitetinin qurulmasına dəstək verib.

Müdafiə naziri hakim Xalq Hərəkatı İttifaqı Partiyasının parlament fraksiyasının rəhbəri Jerar Lonq olub. Prezidet Sarayının baş katibi Klod Qean isə daxili işlər naziri təyin edilib. O, bu postda Bris Ortefeni əvəzləyib.

Qeyd edək ki, hökumətdəki dəyişikliklər xarici işlər naziri Mişel Alliot-Marinin istefaya getməsi ilə başlayıb. O, Tunisin devrilmiş prezidenti Zin əl-Abdin bin Əli ilə əlaqələrdə ittiham edilib.