Yaxın Şərq bu gün yenə qaynayacaq
25 fevral 2011 10:12 (UTC +04:00)

Yaxın Şərq bu gün yenə qaynayacaq

Bu gün Bəhreyn, Yəmən və İraqda hökumət əleyhinə icazəsiz kütləvi aksiyalar keçiriləcək.

Lent.az-ın “Reuters” agentliyinə istinadən verdiyi məlumata görə, Bəhreyndə islamçı şiə müxalifət liderləri bu gün əhalini paytaxt Manamanın İnci Qovşağı meydanına toplaşmağa və ötən aksiyalarda öldürülənlərin xatirəsini yad etməyə çağırıb.

Bu aksiyada da Bəhreyndə kral hakimiyyətinin məhdudlaşdırılması və ölkədə demokratik islahatların keçirilməsi tələb olunacaq.

Yəmən prezidenti Əli Abdul Saleh isə bu gün hökumət əleyhdarlarının keçirəcəyi kütləvi aksiyalar zamanı təhlükəsizliyin ciddi təmin edilməsi üçün təhlükəsizlik qüvvələrinə və hökumət tərəfdarlarına tapşırıq verib.

İraq Silahlı Qüvvələri isə aksiyaçılar zamanı terror aktı törədilə biləcəyinə dair xəbərdarlıq edib.
1 2 3 4 5 İDMAN XƏBƏRLƏRİ
# 481

Oxşar yazılar