Qəzzafi “günahkarlar”ı tapdı

Lent.az-ın “Hürriyet” qəzetinə istinadən verdiyi məlumata görə, bu barədə Liviyada rəsmi mətbu orqanlar olan “Jana News”, “El Fecri Cedid” və “El Şems” qəzetləri yazıb. Xəbərlərdə qeyd olunub ki, Liviya təhlükəsizlik orqanları bu şəbəkə üzvlərinin bir hissəsini yaxalayıb və onların arasında Tunis, Misir, Sudan, Fələstin, Suriya və Türkiyə vətəndaşları var. İddia olunur ki, həmin şəbəkənin üzvləri əvvəllər Tunis, Mərakeş, Sudan, Misir, Livan və İranda çalışıb. Liviya rəsmiləri bu şəxsləri xalqı rejim əleyhinə qaldırmağa həvəsləndirmək üçün xəstəxana, bank, polis şöbəsi və ictimai binaları yandırmaqda günahlandırır.

Türkiyənin Liviyadakı səfirliyi artıq hərəkətə keçib və Türkiyə vətəndaşlarının kimliyi, onların hansı dəlillər əsasında saxlanılması barədə məlumat istəyib.

Bu arada Liviyanın Ərəb Birliyindəki təmsilçisinin ölkə hakimiyyətini qətliam törətməkdə günahlandıraraq vəzifəsindən istefa verdiyi məlum olub.