“Sərxoş ölkələr”in siyahısı açıqlandı

Lent.az-ın ‘mignews.com” saytına istinadən verdiyi məlumata görə, dünya ölkələri arasında ən çox Moldova vətəndaşları alkoqollu içkilərdən istifadə edirlər. Orta hesabla, hər bir moldavan il ərzində 18,22 litr alkoqollu içki içir. Bu, dünya üzrə orta göstəricidən (6,1 litr) 3 dəfə çoxdur.

Reytinq cədvəlinin növbəti pilləsində adambaşına 16,45 litr alkoqollu içki ilə Çexiya, üçüncü yerdə 16,27 litrlə Macarıstan, dördüncü yerdə 15,76 litrlə Rusiya, beşinci yerdə 15,6 litrlə Ukrayna, altıncı yerdə 15,57 litrlə Estoniya, yeddinci yerdə 15,48 litrlə Andorra, səkkizinci yerdə 15,3 litrlə Rumıniya, doqquzuncu yerdə 15, 19 litrlə Sloveniya, onuncu yerdə 15,13 litrlə Belarus, on birinci yerdə 13,37 litrlə Böyük Britaniya gəlir.

Alkoqolizmdən istifadə səbəbindən hər il 2,5 milyona yaxın insan həyatını itirir.

Qeyd edək ki, Moldova və Ukrayna, o cümlədən Xorvatiya və İsrailin dövlət büdcələrində alkoqolizmdən müalicə məqsədi ilə xüsusi vəsait ayrılır. Eyni zamanda dünyanın 126 ölkəsində alkoqolizmdən asılılığın aradan qaldırılması istiqamətində proqram həyata keçirilir.