Arvadı devrilmiş prezidenti təhqir etdi

Böyük Britaniyanın “Daily Telegrahp” qəzeti Tunisin devrilmiş prezidenti Zeynalabdin bin Əlinin Səudiyyə Ərəbistanına getməzdən öncə yaşadığı anlardan yazıb.

Lent.az-ın verdiyi məlumata görə, qəzetə bu barədə hadisələrin şahidi olmuş Tunis Hərbi Hava Qüvvələrinin bir rəsmisi danışıb. Məlum olub ki, Tunis prezidenti ölkəsini tərk etmək istəməyib. Bu zaman həyat yoldaşı Leyla “təyyarəyə min axmaq, bütün həyatım sənin axmaqlıqlarına dözməklə keçdi” deyərək onun üstünə qışqırıb. Abidin bir Əli yenə də etiraz edib və Tunisdə qalaraq ölkəsi üçün ölmək istədiyini söyləyib. Bu dəfə isə Ali Şeriati “Allah eşqinə, min!” deyərək onu pilləkəndən itələyərək təyyarəyə mindirib.

Tunis Hərbi Hava Qüvvələrinin rəsmisi onu da qeyd edib ki, prezident və xanımının olduğu təyyarə havaya qalxdıqdan bir neçə dəqiqə sonra əksəriyyəti Leyla bin Əlinin qohumları olan 20 nəfər Fransaya getmək üçün aeroporta gəlib. Ancaq əsgərlər onları saxlayıblar.