Ömər Süleyman “evinizə gedin” dedi

APA-nın xəbərinə görə, Ö. Süleyman H. Mübarəkin xalqa müraciətində söylədiyi bəzi fikirləri təkrarlayıb.

O, Konstitusiya dəyişikliklərini həyata keçirmək üçün şura yaratdıqlarını bildirib. Ö. Süleyman da islahatlar keçiriləcəyini, iqtisadiyyatın inkişafı ilə bağlı işlər görüləcəyini vəd edib.

O, müxalifəti dialoqa çağırıb.

Ö. Süleyman xalqın kütləvi aksiyalara son qoymağa çağırıb: “Təhrir meydanında toplaşan xalqı evlərinə, işlərinin başlarına dönməyə çağırıram”.

Ö. Süleyman misirliləri xarici təzyiqlərə qarşı güclü olmağa, “əcnəbi medianın yönləndirmələrinə uymamağa” çağırıb.