Sudanın bölündüyü rəsmən elan edildi

Lent.az-ın “trt.net.tr” saytının Azərbaycan versiyasına istinadən verdiyi məlumata görə, həftələrdir davam edən səssayma proseduru tamamlanıb və Cənubi Sudan 98 faizlik nəticə ilə müstəqillik qazanıb. Dünyanın ən yeni dövləti bu ilin iyul ayında elan ediləcək. İki tərəfin üzərində anlaşmalı olduğu neft yataqları, vətəndaşlıq haqları və sərhəd kimi məsələlər isə hələ müzakirə masasındadır.

Sudan prezidenti Ömər Əl Bəşir rəsmi açıqlama yayaraq Cənubi Sudanda keçirilən referendumun nəticələrini qəbul etdiyini bildirib.

Bu arada ABŞ Sudanı terrorizmi dəstəkləyən ölkələr siyahısından çıxarmaq üçün hərəkətə keçib. Xarici işlər naziri Hillari Klinton bu məsələ ilə bağlı müzakirələrin başladığını, ancaq Sudanın atacağı addımları görmək istədiklərini bildirib. Hillari Klinton Cənubi Sudanda müstəqillik referendumunun uğurla keçirilməsinin bu prosesdə önəmli rol oynadığını söyləyib.