Hindli həkim atasını doğramaq məcburiyyətindədir!

Hindistanlı həkim Mahantesh Ramannavar noyabrın 13-də 89 yaşında vəfat edən atasının cəsədini parçalayacaq. Lent.z-ın “BBC”yə istinadən verdiyi məlumata görə, 40 yaşlı həkim bu işin çətin olduğunu, ancaq başqa seçim variantının qalmadığını söyləyib.

Mahantesh Ramannavarın atası Hindistanda İngiltərə müstəmləkəçiliyinə qarşı mübarizə aparıb və tanınmış həkimlərdən olub. O, 2 il əvvəl vəfat edib və ölməzdən əvvəl cəsədinin tibbi araşdırma məqsədi ilə hissələrə ayrılmasını vəsiyyət edib. Cərrahi əməliyyat Karnataka əyalətindəki tibb fakültəsində aparılacaq. Cəsəd də 2 il ərzində məhz bu fakültədə saxlanılıb.

Mahantesh Ramannavar deyib ki, atası ölməzdən əvvəl bu işə onu ruhən hazırlayıb. O, başqalarının da yaxınlarının cəsədlərini tibbi məqsədlərlə bağışlamaları üçün bir örnək olacağına inanır.

Qeyd edək ki, tək Hindistanda deyil, dünyanın müxtəlif ölkələrində tibbi araşdırmalar üçün insan cəsədlərinə ehtiyac getdikcə artır.