Xəbər verdiyimiz kimi, Naxçıvan Muxtar Respublikasının yeni baş naziri təyin olunub.
Lent.az yeni baş nazir Cabbar Musayevin qısa bioqrafiyasını təqdim edir:
- Cabbar Musayev kimdir?
- Cabbar Hafiz oğlu Musayev Naxçıvan Muxtar Respublikasının Baş naziridir. O, dövlət idarəçiliyi və iqtisadiyyat sahəsində uzunillik təcrübəyə malikdir.
- Cabbar Musayev nə vaxt və harada anadan olub?
- Cabbar Musayev 1981-ci il yanvarın 10-da Naxçıvan şəhərində anadan olub.
- Cabbar Musayev harada təhsil alıb?
- Cabbar Musayev ali təhsilini Ankara şəhərində alıb. 2007-ci ildə Azərbaycan Dövlət İqtisad Universitetinin maliyyə-kredit ixtisası üzrə magistr pilləsini fərqlənmə diplomu ilə bitirib. İqtisad üzrə fəlsəfə doktorudur.
- Cabbar Musayevin əmək fəaliyyəti barədə nə məlumdur?
- Cabbar Musayev 2004–2013-cü illərdə Rabitə və Yüksək Texnologiyalar Nazirliyində böyük məsləhətçi və sektor müdiri vəzifələrində çalışıb. 2013- 2016-cı illərdə Azərbaycan Prezidentinin sərəncamı ilə yaradılmış Yüksək Texnologiyalar Parkı MMC-də direktor müavini vəzifəsini icra edib. 2016-2024-cü illərdə Dövlət Statistika Komitəsinin aparat rəhbəri vəzifəsində çalışıb. Azərbaycan Prezidenti İlham Əliyevin 2024-cü il noyabrın 4-dəki sərəncamı ilə Naxçıvan Şəhər İcra Hakimiyyətinin başçısı təyin edilib.
- Cabbar Musayev Naxçıvan Muxtar Respublikasının Baş naziri vəzifəsinə nə zaman gətirilib?
- Cabbar Musayev 2026-cı ilin fevralın 9-da Naxçıvan MR Ali Məclisinin qərarı ilə Cabbar Musayev Naxçıvan Muxtar Respublikasının baş naziri təyin olunub.
- Cabbar Musayev hansı dövlət qulluğu dərəcəsinə malikdir?
- Cabbar Musayev dövlət qulluğunun müşaviridir.
- Cabbar Musayev dövlət tərəfindən hansı mükafata layiq görülüb?
- Cabbar Musayev “Dövlət qulluğunda fərqlənməyə görə” medalı ilə təltif edilib.
- Cabbar Musayevin ailə vəziyyəti necədir?
- Cabbar Musayev evlidir, iki övladı var.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
