“Vyetnam klubuna keçməmişəm” – Rüfət Dadaşovdan təkzib

Azərbaycan milli komandasının futbolçusu Rüfət Dadaşov karyerasını Vyetnamın “Nam Din” klubunda davam etdirməyəcək.

Bunu apasport.az saytına hücumçunun özü açıqlayıb.

Almaniyanın "Proyssen” klubunda çıxış edən forvard Asiya təmsilçisinə keçidi ilə bağlı yayılan şayiələrə münasibət bildirib. R.Dadaşov belə məlumatların əsassız və həqiqətdən uzaq olduğunu qeyd edib: "Xeyr, Vyetnam klubuna keçməmişəm. Bunu kim yazıb, bilmirəm".

Qeyd edək ki, 28 yaşlı hücumçunun "Proyssen Münster"lə müqaviləsi mövsüm sonunda başa çatacaq.