Osteoporoza qarşı yeni ümid: alimlər sümüyü “böyüdən düymə” tapdılar

Alimlər sümüklərin formalaşmasını sürətləndirən və eyni zamanda sümük itkisini azaldan mexanizmin eksperimental heyvanlarda işlədiyini müəyyən ediblər.

Lent.az xəbər verir ki, bu barədə ScienceDaily məlumat yayıb.

Araşdırmada AP503 adlı eksperimental maddənin GPR133 reseptorunu aktivləşdirdiyi müəyyən edilib.

Siçanlar üzərində aparılan təcrübələrdə bu mexanizm sümüklərin möhkəmlənməsinə səbəb olub. Eyni yanaşmanın əzələlərə də müsbət təsir göstərə biləcəyi qeyd olunur.

Nəticələr gələcəkdə osteoporozun müalicəsi üçün yeni preparatların yaradılmasına kömək edə bilər. Lakin bunun insanlarda effektiv və təhlükəsiz olduğu hələ sübut edilməyib.