262
12:05
21 Noyabr 2019

Azərbaycanda 14-cü radio kanalı üçün iki şirkət müraciət edib

Milli Tеlеviziya və Radiо Şurasının (MTRŞ) ümumrespublika radio kanalının açılması ilə bağlı elan etdiyi müsabiqəyə müraciət edənlər çox olsa da, hazırda iki şirkətin rəsmi müraciəti qeydə alınıb.

Bu barədə Lent.az -a MTRŞ-nın Hüquq şöbəsinin rəhbəri Nemət Cavadov məlumat verib: “Müraciətlər çoxdur. Hansı sənədlərin lazım olması ilə maraqlanırlar, sənədlərini tamamladıqdan sonra müraciətləri qeydə alınacaq. Müsabiqənin baş tutması üçün ən azı 3 iddiaçı olmalıdır”.

O bildirib ki, müsabiqənin seçim mərhələsində üstünlük maddi-texniki bazası, yaradıcı kadr potensialı və s. şərtləri ödəyən müraciətçilərə üstünlük veriləcək.

Qeyd edək ki, noyabrın 12-dən elan edilən müsabiqə dekabrın 12-də başa çatacaq.

Hazırda Azərbaycanda 13 ümumrespublika radio kanalı fəaliyyət göstərir. Radio kanalına müddətsiz verilən lisenziyanın məbləği 2500 manat təşkil edir.