“Rusiyadan S-400 zenit raket kompleksinin alınması NATO və F-35-ə zərər verəcəyi ilə bağlı hər hansı əsaslı sübut yoxdur”.
APA-nın xəbərinə görə, bunu Türkiyənin Prezidenti Rəcəb Tayyip Ərdoğan ölkəsinin səfirləri ilə görüşdə çıxışı zamanı deyib.
Türkiyənin dövlət başçısı bildirib ki, NATO və Avropa İttifaqının (Aİ) üzvü olan bir sıra dövlətlər Rusiyadan hava hücumundan müdafiə sistemləri alsalar da, Türkiyədən fərqli olaraq, onlarla bağlı hər hansı problem yaranmayıb.
Onun sözlərinə görə, Türkiyə S-400-lə bağlı yaranmış böhranın sakit şəraitdə və dialoq çərçivəsində həlli üçün bütün müvafiq addımları atıb: “Türkiyənin təhlükəsizliyi NATO-nun və bütün bölgənin təhlükəsizliyi deməkdir. ABŞ-dan həqiqi müttəfiqə yaraşan addım atmağı gözləyirik”.
R. T. Ərdoğan Türkiyənin Avropa İttifaqına üzvlüyü məsələsinə də toxunub. Prezident qeyd edib ki, Türkiyənin Avropa İttifaqına üzvlüyü bir neçə ölkənin ehtiraslarının qurbanına çevrilməməlidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
