ABŞ Qida və Dərman Administrasiyası (FDA) menopauza dövründə qadınlarda yaranan isti basma və gecə tərləmələrinə qarşı yeni hormonal olmayan dərmanı təsdiqləyib.
Lent.az xarici KİV-ə istinadən xəbər verir ki, “Lynkuet” adlı preparatın aktiv maddəsi elinzanetantdır. Gecə qəbul edilən dərman beyində bədən temperaturunun tənzimlənməsində iştirak edən reseptorlara təsir göstərir.
Klinik sınaqlar zamanı preparatı qəbul edən qadınların 70 faizində 12 həftədən sonra isti basmaların tezliyinin ən azı yarıbayarı azaldığı bildirilib.
Yeni preparat xüsusilə hormon terapiyasından istifadə edə bilməyən qadınlar üçün alternativ müalicə variantı hesab olunur.
Bununla belə, qaraciyər problemi olan şəxslərə preparat tövsiyə edilmir. Dərmanın yuxululuq və başgicəllənmə kimi əlavə təsirlər yarada biləcəyi də qeyd olunur. Preparatdan yalnız həkim məsləhəti ilə istifadə edilməlidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
