“Şəhərin mərkəzində 4 mərtəbəli binalar tikiləcəkdir. Eyni zamanda Ağdamın bir hissəsində isə fərdi yaşayış evlərinin inşası nəzərdə tutulub”.
Lent az xəbər verir ki, bunu İlqar Əlfioğlunun “Ağdamda bir gün” adlı filmində Ağdam rayon İcra Hakimiyyətinin başçısı Vaqif Həsənov deyib.
O bildirib ki, daha sonra isə keçmiş şəhərin təxminən 60 hektara qədər hissəsi açıq səma altında muzey kimi fəaliyyət göstərəcək: “Təxminən İmarət stadionu, keçmiş İcra hakimiyyətinin binaları, Dram Teatrının binaları və Şəhidlər Xiyabanı kimi fəaliyyət göstərən hissələr açıq səma altında muzey kimi qalacaq.
Digər yerlərdə isə arxitektura saxlanılmaqla insanların istəyinə uyğun olaraq dünya səviyyəli yeni Ağdam qurulacaq. Yeni Ağdamda 70 min sakin yaşayacaq ki, gələcəkdə bu rəqəm 100 minə çatdırılaraq böyük şəhər qurulacaq. Ağdamın bütün kəndləri tamamilə bərpa olunacaq. Kəndlər əsasən öz əvvəl yerləşdiyi ərazilərdə yerləşəcək”.
Vaqif Həsənov sözlərinə görə, bu kəndlərdə insanların yaşayışı üçün bütün şərait qurulacaq.
O bildirib ki, hər bir ailə üzvünə təxminən 30 sot pay torpağı veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
