Uşaq telefondan nə qədər istifadə edə bilər: yaşından asılıdır

Əgər siz sonradan övladınızı qadcetlərdən necə ayırmaq barədə suala cavab axtarmaq istəmirsinizsə, dərhal onların istifadəsi üçün vaxt məhdudiyyətləri təyin edin.

Lent.az-ın xarici mətbuata istinadən məlumatına görə, mütəxəssislər uşağın telefon qarşısında oturaraq keçirə biləcəyi dəqiqələrin dəqiq sayını açıqlayıblar.

Rəqəmlər yaşa görə dəyişir.

Uşağın hələ üç yaşı yoxdursa, ona, ümumiyyətlə, qadcetlərdən istifadə etmək tövsiyə edilmir.

Dörd yaşlı uşağa, beş yaşlı uşaq kimi, gündə on dəqiqədən çox telefon qarşısında oturmağa icazə verilməməlidir.

Bir az daha yaşlı uşaqlardan danışırıqsa - beşdən yeddi yaşa qədər - o zaman belə bir əyləncəyə gündə 20 dəqiqədən çox vaxt ayıra bilməzlər.

Nəhayət, yeddi yaşdan 11 yaşa qədər uşaqlar üçün qadcetlərdən istifadəyə icazə verilən vaxt gündə yarım saatdan çox olmamalıdır.

Ekspertlər deyirlər ki, bir insanın (böyüklərin) ekran vaxtı gündə beş saatı keçdiyi zaman asılılıq problemindən danışa bilərik.

Uşaqlara gəldikdə, qadcetlərin əsassız istifadəsi iki saatdan çox olarsa, ehtiyatlı olmalısınız.