“Xiaomi” smartfonlarına gizli video nəzarətdən qorunma funksiyası əlavə ediləcək.
Lent.az xəbər verir ki, bu barədə “XiaomiTime” bloqu məlumat yayıb.
Media müəllifləri bildiriblər ki, yeni “Xiaomi” smartfonlarının təchiz olunduğu “HyperOS 2.0” əməliyyat sisteimində gizli kameraların aşkarlanması funksiyası mövcud olacaq. Onun köməyi ilə istifadəçi qapalı və ya açıq ərazilərdə müşahidə üçün quraşdırılmış gizli kameraları tapa biləcək.
Deyilənə görə yeni funksiya simsiz yerli şəbəkə (WLAN) siqnallarını təhlil edərək işləyəcək. Bir qayda olaraq, əksər video kameralar yerli Wi-Fi şəbəkəsinə qoşulur və məlumatları uzaq serverə ötürür.
“XiaomiTime” mütəxəssisləri qeyd ediblər ki, yeni funksiya xüsusilə yaşayış yerini tez-tez dəyişən və məxfilikdən narahat olan səyahətçilər üçün faydalı olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
