Yağış yağacaq

Ekologiya və Təbii Sərvətlər Nazirliyi Milli Hidrometeorologiya Departamenti sentyabrın 1-nə gözlənilən hava proqnozunu açıqlayıb.

Milli Hidrometeorologiya Departamentinin Hidrometeoroloji Proqnozlar Bürosundan Lent.az-a verilən məlumata görə, sentyabrın 1-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir.

Şimal-qərb küləyi gündüz cənub-şərq küləyi ilə əvəz olunacaq. Temperatur gecə 19-24 dərəcə, gündüz 30-34 dərəcə isti olacaq. Abşeron çimərliklərində temperatur 25-28 dərəcə isti təşkil edəcək.

Azərbaycanın rayonlarına gəlincə, sentyabrın 1-də hava şəraitinin əsasən yağmursuz keçəcəyi gözlənilir. Dağlıq ərazilərdə qısamüddətli yağış yağacaq. Qərb küləyi əsəcək, gündüz arabir güclənəcək. Aran rayonlarında gecə 19-24 dərəcə, gündüz 32-37 dərəcə isti, dağlarda gecə 10-15 dərəcə, gündüz 20-25 dərəcə isti gözlənilir.

Sabah axşamdan başlayaraq Azərbaycan ərazisində hava şəraitinin dəyişiləcəyi gözlənilir. Dəyişkən hava şəraiti 2 gün davam edəcək. Sentyabrın 1-2-də havanın temperaturunda güclü bir fərq müşahidə edilməyəcək, hava şəraiti bu günlərlə müqayisədə nisbətən sərin keçəcək.