Ekologiya və Təbii Sərvətlər Nazirliyi Milli Hidrometeorologiya Departamenti sabaha gözlənilən hava proqnozunu açıqlayıb. Qurumdan Lent. az-a verilən məlumata görə, avqustun 22-də Bakıda və Abşeron yarımadasında hava şəraitinin dəyişkən buludlu, günün birinci yarısında havanın arabir tutulacağı gözlənilir. Gecə və səhər yarımadanın bəzi yerlərində qısa müddətli, az yağacağı ehtimal olunur. Şimal-şərq küləyi əsəcək.
Havanın temperaturu gecə 19-24 dərəcə, gündüz 28-33 dərəcə isti təşkil edəcək.
Azərbaycanın rayonlarına gəlincə, bəzi şimal və qərb rayonlarında qısa müddətli yağış yağacağı, şərq küləyinin əsəcəyi ehtimal olunur. Avqustun 22-də havanın temperaturu gecə 20-25 dərəcə, gündüz 32-37 dərəcə, dağlarda gecə 9-14 dərəcə, gündüz 19-24 dərəcə isti təşkil edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
