Sevinc Vaqifqızı ilə "Ana xəbər" bloku – 26 Oktyabr

GÜNÜN ŞƏRHİ

Moskvada Suriya və Rusiya prezidentlərinin görüşünün gizlin detalları üzə çıxır. Bəşər Əsədin növbədənkənar seçkilərə hazır olduğunu bəyan etməsi Kremllə razılaşdırılmış gedişə oxşayır. Belə görünür ki, Kremlin məqsədi beynəlxalq aləmdə güzəştlərə hazır olan Əsəd imici formalaşdırmaqdır. Əsəd seçkilərə getməyə hazır olduğunu bəyan etsə də, ölkədə hansısa seçkilərin keçirilməsinin mümkünsüz olduğunu özü də yaxşı bilir. Əslində Suriya prezidentinin arxayınlıqla seçki bəyanatı verməsi də buna əsaslanır. Bu gedişin ardınca Rusiyanın Suriya münaqişəsinin diplomatik yolla həllinə dair təşəbbüslə çıxış edəcəyini gözləmək olar. Ölkənin bütün siyasi qüvvələrini, o cümlədən müxalifəti Əsədlə bir masa arxasına əyləşdirə bilmək mümkün olsa, bu, Moskvanın böyük qələbəsi sayılacaq.