Jeep® -in Quba macəraları  

Üst-başı palçıqlı, üz-gözündə sevinc, ürəyi həyəcanlı... Yox, uşaq deyillər. Jeep_® sahibidirlər. Öz Jeep_®-lərini Qubanın Xınalıq kəndi istiqamətində, Qudyalçayı keçərək sınayan ekstrim həvəskarları avtomobillərinin hər hərəkətini xüsusi həyəcanla qarşılayırlar...

Jeep_® ailəsi bu dəfə Qubanın dağ kəndlərinə üz tutdu. İştirakçılar isə yolunda və istəklərində sərhəd tanımayan Jeep_® Wrangler və dünyada ən çox mükafat almış SUV olan Jeep_® Grand Cherokee avtomobilləri idi.

Bu dəfəki “Jeep_® Tur” tək ofroud yarışı deyil, bütün Jeep_® sahiblərini birləşdirən macəra, əyləncə, ekstrim və komanda ruhunun ifadəsi oldu. Turun kempinq formatı da Jeep sahiblərinin öz istəkləri ilə seçilmişdi. Adi günlərdə rahatlıqdan imtina etməyən Jeeperlər macəra axtarışı və təbiət sevgisi ilə gecəni Qırız kəndində, təbiət qoynunda, çadırlarda keçirdilər.

Jeep_® sahibləri avtomobillərinin üstünlük və bacarıqlarından istifadə təcrübələrini paylaşdılar. Turda iştirak edən Auto Azərbaycan şirkətinin nümayəndələri və Chrysler Mərkəzinin əməkdaşları da Jeep_® sahiblərinə avtomobillərini "tanımaqda" yardımçı oldular. İstehsalçı sertifikatlaşdırılmış Jeep_® təlimatçıları çətin keçilən ərazilərdə Jeep_® modellərindəki müxtəlif funksiyalarından istifadə barədə avtomobil sahiblərinə peşəkar məsləhətlər verdilər.

Jeep_® brendinin Azərbaycanda rəsmi təmsilçisi Auto Azərbaycan şirkətinin Marketinq departamentinin direktor müavini Əli Bədəlov turun təşkilindəki dəstəyə görə “Adrenaline Outdoor Extreme Club”a təşəkkürünü bildirdi və Jeep_® sahiblərinin istəyi ilə keçirilən bu formatlı tədbirlərin davam etdiriləcəyini qeyd etdi. "Jeep_®-in Qəbələ və Şahdağ turlarından sonra çıxdığımız Quba turu Jeep_® sahiblərinin də avtomobilləri kimi macərada sərhəd tanımadığını göstərdi" - deyən Əli Bədəlov Jeeperlərin gələcək yürüşlərini özünün də həyəcanla gözlədiyini əlavə edib.