Hot-doq yemək üzrə yeni rekord
06 iyul 2013 16:03 (UTC +04:00)

Hot-doq yemək üzrə yeni rekord

ABŞ-da hot-doq yemək üzrə yeni rekord qeydə alınıb.

 

Lent.az-ın CNN-ə istinadən verdiyi məlumata görə, San-Xose şəhərinin sakini Coui Çestnat ABŞ-ın Müstəqillik Günü ilə bağlı  Nyu-Yorkda keçirilən ənənəvi yarışda 10 dəqiqə ərzində 69 hot-doq yeyib.

 

Bununla da o, özünün keçən ilki rekordunu qırıb. Coui Çestnat  keçən il 10 dəqiqə ərzində 68 hot-doq yeyib. Ümumiyyətlə, Coui Çestnat  artıq 7-ci dəfədir ki, bu yarışın qalibi olur. Bu dəfə ikinci yerə çıxan Met Stoni isə ondan 18 hot-doq az yeyib.

 

Hot-doq yeməklə bağlı qadınlar arasında keçirilən yarışda isə Virciniya ştatının sakini Soni Tomas 10 dəqiqə ərzində 36 hot-doq yeməklə çempion titulunu qoruyub. 

 

Qeyd edək ki, hot-doq yeməklə bağlı çempionat Nyu-Yorkda artıq 97-ci dəfədir ki, keçirilir. Yarış beynəlxalq xarakter daşısa da, yarışa ancaq ABŞ və Kanada sakinləri qatılırlar. Qalib 10 min dollar mükafat alır.

# 608
avatar

Oxşar yazılar