“Özünədəstək” layihəsi  üzrə yekun monitorinq keçiriləcək
02 avqust 2013 12:11 (UTC +04:00)

“Özünədəstək” layihəsi  üzrə yekun monitorinq keçiriləcək

 

Əmək və Əhalinin Sosial Müdafiəsi Nazirliyi tərəfindən sınaq işləri aparılan “Özünədəstək” proqramı çərçivəsində ailələrin sosial reabilitasiya olunması üzrə yekun monitorinq avqustun  sonlarında keçiriləcək. Nazirliyinin ictimaiyyətlə əlaqələr şöbəsindən Lent.az-a verilən məlumata görə, monitorinqin nəticələri əsasında proqramın iştirakçısı olan ailələr arasında tam reablitasiya göstəricisi müəyyən ediləcək.

 

Xatırladaq ki, 2011-ci ilin martından bəri ötən dövrdə 13  rayon və şəhər üzrə ünvanlı sosial yardım alan ailələrdən müvafiq potensiallara malik 271 ailə seçilərək “Özünədəstək” pilot proqramına  cəlb olunub. Onlardan 230 ailəyə kənd təsərrüfatı sahələri üzrə şəxsi yardımçı təsərrüfatlarını inkişaf etdirmək, 41 ailəyə isə əmtəə və xidmətlər istehsalı üzrə fəaliyyət göstərmək üçün birdəfəlik maddi ünvanlı yardım olaraq mal və materiallar alınıb verilib. Qeyd olunan ailələrdən 111 ailə üzrə artıq proqram başa çatıb və onlardan 92 faizi gəlirlərində artım olması səbəbindən reabilitasiya olunub.

 

 

# 270
avatar

Oxşar yazılar