® Azərbaycan Universitetinin beynəlxalq əlaqələri genişlənir

Azərbaycan Universiteti (AU) tələbələrin kredit mobilliyi imkanlarından daha çox faydalanmaları üçün beynəlxalq əməkdaşlıq şəbəkəsi və coğrafiyasını daim genişləndirir. 2015-ci ildən “Erasmus+” proqramına qoşulan universitet ilkin mərhələdə Almaniyanin Koblenz Universiteti, Türkiyə Respublikasının Anadolu, Selçuk və Gazi universitetləri ilə əməkdaşlıq müqaviləsi imzalayıb. Qeyd olunan proqram çərçivəsində tələbələr tərəfdaş universitetlərdə mübadilə şəklində təhsil alma və təcrübə keçmə imkanına sahibdirlər.

Azərbaycan Universiteti beynəlxalq əməkdaşlığı nüfuzlu beynəlxalq təşkilatlara üzvlük, ikitərəfli əməkdaşlıqlar, beynəlxalq təhsil layihələrində iştirak, mübadilə proqramlarında iştirak, birgə kurikulumların tətbiqi istiqamətlərində həyata keçirir. İngilisdilli biznes ixtisasları üzrə bakalavriat və magistratura səviyyələrində ABŞ-ın Corciya Dövlət Universiteti (CDU) ilə birgə kurikulumun tətbiqi, Türkiyə universitetləri ilə Mövlanə Mübadilə Proqramında iştirak, “Linnaeus-Palme” layihəsi çərçivəsində İsveç Krallığının Lund Universiteti ilə əməkdaşlıq uğurla davam edir. “Erasmus+” proqramında iştirak isə AU-ya yalnız Avropa Birliyinə üzv olan ölkələrlə deyil, ABŞ, Türkiyə və digər coğrafiyalarda yer alan ölkələrin universitetləri ilə əməkdaşlığı genişləndirməyə imkan verir.

“Erasmus+”, Avropa Birliyi tərəfindən təhsil və gənclik sahəsində 2007-2013-cü illər arasında tətbiq olunmuş həyatboyu öyrənmə və gənclik proqramlarını əvəz edir. Erasmus, Leonardo da Vinçi, Comenius və Grundtvig proqramları ilə 5 beynəlxalq əməkdaşlıq proqramı - Erasmus Mundus, Tempus, Alfa, Edulink və Sənayeləşmiş Ölkələrlə Əməkdaşlıq Proqramı Erasmus+ başlığı altında toplanıb. Tək proqram ilə daha sadə müraciət qaydaları və prosedurları gətirilərək beynəlxalq əməkdaşlıq sahəsində mürəkkəblik sona çatdırılıb. Proqram, təhsil, gənclik və idman sahələrini əhatə edir.

Abituriyentlər daha ətraflı məlumat üçün Azərbaycan Universitetinin Abituriyent Məlumat Mərkəzinə müraciət edə, www.au.edu.az saytına yaxud universitetin rəsmi facebook səhifəsinə www.facebook.com/AzerbaycanUnv daxil ola bilərlər.

Tel: (00994 12) 434 76 89/90/91/92/93/94

Mobil: (00994) 55 233 69 22

E-poçt: [email protected]

Universitet seçmək, həm də gələcəyi seçməkdir.

Azərbaycan Universiteti

Gələcəyini bu gün seç!