“Azərbaycanda hazırda 500-ə yaxın özəl tibbi müəssisəsi və kabineti fəaliyyət göstərir”. Lent.az-ın məlumatına görə, bunu Səhiyyə Nazirliyinin tibbi yardımın təşkili şöbəsinin müdiri Gülmirzə Poladov bildirib. Onun sözlərinə görə, Azərbaycanda 600-dən artıq əczaçılıq (özəl) müəssisəsi fəaliyyət göstərir: “2013-cü ildə 376 özəl tibb müəssisəsinin lisenziya olmadan tibb və ya əczaçılıq fəaliyyəti ilə məşğul olduğu aşkar edilib. Bununla bağlı inzibati icraat işləri aparılıb”.
Nazirlik rəsmisi onu da vurğulayıb ki, ötən il Bərdə, Tərtər, Ağdam, Yevlax və Mingəçevirdən Səhiyyə Nazirliyinə 1000-dən artıq şikayət və ərizə daxil olub: “Onların hər biri araşdırılıb və müvafiq tədbirlər görülüb”.
G. Poladovun sözlərinə görə, adıçəkilən regionlardan edilən müraciətlərin araşdırılması nəticəsində məlum olub ki, şikayətlər əksər hallarda əsassız olmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
