Bakı Slavyan Universitetində jurnalist tələbələrlə görüş keçiriləcək
09 mart 2011 15:31 (UTC +04:00)

Bakı Slavyan Universitetində jurnalist tələbələrlə görüş keçiriləcək

Martın 10-daAzərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun təşəbbüsü ilə Bakı Slavyan Universitetinin jurnalistika fakültəsində tələbələrlə ölkənin aparıcı media qurumlarının rəhbərləri arasında görüş keçiriləcək.


Fondun mətbuat xidmətindən Lent.az-a verilən məlumata görə, tədbirin əsas məqsədi jurnalistika fakültəsində təhsil alan istedadlı tələbələrə qəzet redaksiyalarında təcrübə keçmək və gələcəkdə işlə təmin olunmaları üçün şərait yaratmaqdır. Tədbirdə Fondun icraçı direktoru Vüqar Səfərli, Bakı Slavyan Universitetin rektoru professor Kamal Abdulla, Mətbuat Şurasının sədri Əflatun Amaşov və 20 dən artıq qəzet rəhbərlərinin iştirakı gözlənilir.


Qeyd edək ki fevralın 23-də analoji tədbir Bakı Dövlət Universitetində (BDU) də keçirilib və BDU-nun jurnalistika fakültəsinin 20 dən çox tələbəsi artıq qəzet redaksiyalarında işə başlayıb.
# 1058

Oxşar yazılar