Müdafiə Sənayesi Nazirliyinin şöbə müdirləri dəyişdilər

Müdafiə Sənayesi Nazirliyinin təklifini nəzərə alaraq, Nazirlər Kabineti “Azərbaycan Respublikası Müdafiə Sənayesi Nazirliyinin kollegiyasının tərkibi haqqında” 2007-ci il 5 iyun tarixli 90 nömrəli qərarında dəyişikliklər edib.

Lent.az-ın Nazirlər Kabinetinin rəsmi saytına istinadən verdiyi məlumata görə, qərarın “Kollegiyanın üzvləri” hissəsində “Tahirli Kamran Elman oğlu” sözləri “İsmayılov Üzeyir Ərəstun oğlu” sözləri ilə, “Paşayev Vaqif Qüdrət oğlu - Azərbaycan Respublikası Müdafiə Sənayesi Nazirliyinin müdafiə sənayesinin inkişafı üzrə proqramların və dövlət sifarişlərinin formalaşdırılması şöbəsinin müdiri” sözləri “Əliyev Məmmədsaleh Bayraməli oğlu - Azərbaycan Respublikası Müdafiə Sənayesi Nazirliyinin müdafiə təyinatlı məmulatların yaradılması şöbəsinin müdiri” sözləri ilə, “Əliyev Zakir Yunsur oğlu - Azərbaycan Respublikası Müdafiə Sənayesi Nazirliyinin ikili təyinatlı məmulatların istehsalına nəzarət şöbəsinin müdiri” sözləri “Fətəliyev Vəli Muxtar oğlu - Azərbaycan Respublikası Müdafiə Sənayesi Nazirliyinin mülki məmulatların istehsalı şöbəsinin müdiri” sözləri ilə əvəz edilib.