Aldadıldığınızı necə öyrənə bilərsiniz? – MƏSLƏHƏT

Bütün sevgililərin qorxulu röyası aldadılmaqdır. Aldandığınızdan şübhələnirsiniz və bunu öyrənməyin yolunu axtarırsınız? Lent.az aldadıldığınızı öyrənməyin 10 yolunu sizlərə təqdim edir.

1. Fərqli qoxuyursa...

Sevgiliniz birdən yeni bir ətir istifadə etməyə başladısa, qorxmayın. Ancaq geyimlərində və bədənində bir qadın ətrinin qoxusu varsa, şübhələnməyə başlaya bilərsiniz.

2. Artıq sizinlə çox maraqlanmırsa…

Bir zamanlar, hər etdiyiniz və hər söylədiyinizlə maraqlanardı. Ancaq birdən bütün bunlar əhəmiyyətsiz olmağa başladı. Yalnız səhvlərinizi qəbul etmiş və sizi olduğunuz kimi qəbul etmiş ola bilər, ancaq yeni biri ilə tanış olmuş da ola bilər.

3. Yalanlarını tutursunuzsa…

Əgər açıq bir yalanını tutdunuzsa, şübhələnməyə başlayın. Ancaq unutmayın, bir dəfə yalan danışması onun hər vaxt yalan danışacağı mənasını verməz.

4. Sizə yaxınlaşmaqdan çəkinirsə…

Birdən-birə sevimli yerinə yoldaş kimi davranmağa başlaması, başqa biri ilə maraqlanmağa başladığının siqnalı ola bilər. Bu da tutarlı bir səbəbdir.

5. Yeni bir görünüşə büründüsə…

Birdən fərqli geyimlər geyməyə və davamlı bərbərə getməyə başladısa, şübhələnməyə başlaya bilərsiniz. Bütün bunları yeni bir işə başladığı üçün edirsə, çox qorxmanıza ehtiyac yoxdur. Ancaq yeni bir işə başlamadısa ya da bu dəyişiklikləri sizin üçün etmirsə, təhlükə siqnalları deməkdir.

6. Sağlamlığına birdən-birə daha çox əhəmiyyət verməyə başladısa...

Davamlı idman salonuna gedir, daha sağlam yeməklər yeyir və qısa zamanda kilo verməyi məqsəd qoyursa, daha diqqətli olun. Ola bilsin, bunları yalnız sizin üçün edir. Ancaq idman salonundan dönüb duş aldıqdan sonra hara getdiyini sizə söyləmirsə, demək, şübhələnməniz üçün yaxşı bir səbəb var.

7. İş saatları uzanmağa başladısa…

Telefon zənglərinə cavab vermirsə, ya da çox əhəmiyyətli bir proyekt üzərində işləmirsə, iş saatlarını uzatmasının arxasında tam fərqli bir səbəbi var, demək. Ya sizinlə bir problemi var, ya da başqa biri ilə maraqlanır.

8. Davamlı yeni iş yoldaşından bəhs edirsə…

Danışdığı hər şey yeni iş yoldaşı ilə əlaqədardırsa, ancaq bu adamı siz heç cür ətrafda görə bilmirsinizsə, sizə onunla əlaqədar bəzi şeyləri izah etmir ola bilər. Təhlükə siqnalları çalır demək. Diqqətli olun.

9. Sizi ailəsindən uzaqlaşdırırsa…

Bir zamanlar sizlə tanış etmək üçün can atdığı ailəsini sizdən uzaq tutmağa başladısa, bəzi səhvlərini onların arxasına saxlaya bilər.

10. Birdən-birə hər söylədiyinizi səhv anlayırsa…

Ona soruşduğunuz ən kiçik sual belə döyüşə çevrilirsə, bəzi telefonları cavablandırmaqdan qaçır, sizə qəribə suallar verirsə, şübhələnməyə dəyər. Artıq onunla oturub hər şeyi açıqca danışmanız ikiniz üçün də ən yaxşısı olacaq.