1-ci sinif dərsliklərinin monitorinqi başa çatıb

Dərsliklərdə müsbət yeniliklərlə yanaşı çatışmazlıqların da olduğu üzə çıxıb

Təhsil Nazirliyi 2008/2009-cu tədris ilində I siniflərdə yeni kurikulumların və dərsliklərin tətbiqi ilə bağlı sosioloji sorğu aparıb. “SİQMA” İnkişaf və Beynəlxalq Əməkdaşlıq Təşkilatları Mərkəzinin apardığı sorğunun nəticələri artıq ictimaiyyətə təqdim olunub.

Lent.az-ın məlumatına görə, təhsil naziri Misir Mərdanov jurnalistlərə açıqlamasında belə deyib. Nazir qeyd edib ki, son illər dərsliklərin vəziyyəti barədə ictimaiyyətdə çox ciddi müzakirələr aparılıb. Onun sözlərinə görə, Dünya Bankının layihəsi çərçivəsində dərslik siyasətində ciddi dəyişikliklər olub. Bundan bir il sonra həmin dərsliklərin monitorinqi aparılıb.

“Biz bu monitorinqi ona görə apardıq ki, pedaqoji ictimaiyyətin, valideynlərin, şagirdlərin və müəllimlərin bu yeniliklərə münasibəti necədir. Ona görə də Dünya Bankının II kredit sazişi layihəsi çərçivəsində respondentlər arasında sorğu aparılıb” - deyə, nazir bildirib.

Sorğunun nəticələrinə gəlincə, Misir Mərdanov deyib ki, I sinif dərslikləri ilə bağlı həm müsbət, həm də mənfi məqamlar var. Çatışmazlıqlar arasında texniki Onun sözlərinə görə, sorğu zamanı ortaya çıxan tənqidi nəticələr növbəti dərs ilində aradan qaldırılacaq.

Elxan SALAHOV