Jurnalistlərin QHT piar qrupları formalaşdırılacaq

QHT sektoru ilə bağlı müxtəlif araşdırmaların aparılması yönündə təkliflər irəli sürülüb

Media İnkişaf Mərkəzi İctimai Birliyinin Azərbaycan Prezidenti yanında QHT-lərə Dövlət Dəstəyi Şurasının sifarişi ilə həyata keçirdiyi “Azərbaycanda üçüncü sektorun inkişafında medianın rolunun artırılması” layihəsi çərçivəsində QHT-lərin işini peşəkar səviyyədə işıqlandıran jurnalistlərin yetişdirilməsi yönündə növbəti treninq keçirilib.

Lent.az-ın əməkdaşının verdiyi məlumata görə, treninqdə layihənin koordinatoru Səbinə Əvəzqızı, layihəni həyata keçirən “Media İnkişafı Mərkəzi” İctimai Birliyinin sədri Qabil Abbasoğlu, layihə çərçivəsində monitorinq edilən “525-ci qəzet”, “Şərq”, “Bakı-Xəbər” qəzetlərinin, “Mediaforum” və Lent.az saytlarının əməkdaşları iştirak ediblər.

Treninqdə QHT sahəsindən yazan jurnalistlərin şəbəkəsinin yaradılması, şəbəkə çərçivəsində QHT piar qruplarının formalaşdırılması, QHT sektoru ilə bağlı araşdırılmaların aparılması məsələləri müzakirə olunub.

Media orqanlarının əməkdaşları piar qrupların formalaşdırılması və QHT sektoru ilə bağlı müxtəlif araşdırmaların aparılması yönündə təkliflər irəli sürüblər.

Ramiz