Virtual aləmin “AİDS”-i!

Bank hesablarından oğurluqlarının 44 faizinin əsas səbəbkarıdır...
Dünyanın ən təhlükəli casus proqramı nəzərə çarpmadan şifrələrin surətini çıxarır.
Lent.az-ın verdiyi məlumata görə, “Trusteer” təhlükəsizlik şirkətinin 1000 kompüter üzərində apardığı araşdırmalar anti-virus proqramlarının 80 faizə qədərinin “Zevs” adlı casus proqramı aşkarlaya bilmədiyini ortaya çıxarıb.
“Zevs” adlı bu casus proqram kompüterə heç bir zərər vermədən istifadəçi öz bank hesabına girənə qədər gözləyir və istifadəçinin duyuq düşməsinə səbəb olan heç bir fəaliyyət göstərmir. Casus proqram “root-kit” texnologiyası ilə anti-virus proqramlarından yayınır. Anti-virus proqramlarının yalnız 23 faizi onu internet axtarış sistemində buraxdığı izdən tanıya bilir.
Casus proqram surətini çıxardığı bank məlumatlarını onu istifadəçinin kompüterinə yönəldən şəxsin internet ünvanına göndərir. Bu zaman o, MSN kimi anında mesajlaşma formasından istifadə edir.

“Zevs” casus proqramı təkcə Amerikada 3,6 milyon kompüterdə mövcuddur. Dünyada hər 100 kompüterdən birində olan bu casus proqram bankların qarşılaşdığı problemlərin (oğurluq və s.) 44 faizinin əsas səbəbidir.