Hüquqi və fiziki şəxsləri 6 milyon 134 min 322 manat cərimələnib

Ekologiya və Təbii Sərvətlər Nazirliyinin ətraf mühitin mühafizəsinə nəzarəti həyata keçirən qurumları tərəfindən 2010-cu il ərzində hüquqi, fiziki şəxslər və vətəndaşlar tərəfindən yol verilmiş qanun pozuntularına görə 2206 akt və 828 protokol tərtib olunub. Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, müəyyən edilmiş nöqsanların aradan qaldırılması üçün müvafiq qanunvericiliyə əsasən 862 icrası məcburi olan göstəriş verilib.

Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 815 iş üzrə 6 milyon 134 min 322,15 manat məbləğində cərimə tətbiq edilib, 285 min 779,81 manat ödənilib. Ətraf mühitə dəymiş ziyanla bağlı 542 iş üzrə 1157951,47 manat məbləğində iddia qaldırılmış, ondan 127727,86 manatın ödənilməsi təmin edilib. İdarə və müəssisələrə 4907 iş üzrə 1 milyon 194 min 386,85 manat məbləğində ödəmə tətbiq edilib, 697109,11 manatın ödənilməsi təmin olunub. Tədbir görülməsi üçün hüquq mühafizə orqanlarına göndərilmiş 112 işdən 27-nə, məhkəmələrə göndərilmiş 142 işdən 81-nə, Məhkəmə İcraçılarına göndərilmiş 424 işdən 79-na baxılaraq müvafiq tədbir görülüb. 2 obyektin fəaliyyəti dayandırılıb. Nazirliyin məlumatında qeyd olunur ki, əfsuslar olsun ki, qanunu pozmuş hüquqi və fiziki şəxslər onlara tətbiq olunan cərimələri ödəməkdən yayınır, hüquq-mühafizə orqanlarına, məhkəmə və məhkəmə icraçılarına göndərilmiş işlər isə baxılmamış qalır.

Su ehtiyatlarının mühafizəsi üzrə 215 akt və 77 protokol tərtib olunmuş, müəyyən edilmiş nöqsanların aradan qaldırılması üçün müvafiq qanunvericiliyə əsasən 141 icrası məcburi olan göstəriş verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 71 iş üzrə 173 min 890 manat məbləğində cərimə tətbiq edilib, 22 min 533,12 manat ödənilib. İdarə və müəssisələrə 1021 iş üzrə 675 min 193,18 manat məbləğində ödəmə tətbiq edilib, 186455,18 manatın ödənilməsi təmin olunub. Tədbir görülməsi üçün məhkəmə icraçılarına göndərilmiş 36 işdən 4-nə baxılaraq müvafiq tədbir görülüb.

Atmosfer havasının mühafizəsinə nəzarət məqsədilə müvafiq araşdırmalar aparılaraq 477 akt və 49 protokol tərtib olunub. Aşkar olunmuş çatışmazlıqların aradan qaldırılması məqsədilə 289 icrası məcburi olan göstəriş verilib. Qanun pozuntusuna yol verdiklərinə görə hüquqi və fiziki şəxslərə qarşı ümumilikdə 47 iş üzrə 112 min 570 manat məbləğində cərimə tətbiq edilib, ondan 54 min 612,71 manatın ödənilməsi təmin olunub. Ətraf mühitə dəymiş ziyanla bağlı 47 iş üzrə 1535 manat məbləğində iddia qaldırılıb və ödənilib. 2 min 457 iş üzrə 313 min 530,03 manat məbləğində ödəmə tətbiq edilib və 286 min 350,74 manatın ödənilməsi təmin olunub. Tədbir görülməsi üçün məhkəmə icraçılarına göndərilmiş 14 işdən 10-na baxılaraq müvafiq tədbir görülüb.

Torpağın mühafizəsi sahəsində aşkar olunmuş qanun pozuntularına görə 151 akt və 28 protokol tərtib olunub. Çatışmazlıqların aradan qaldırılması üçün 19 icrası məcburi olan “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 39 iş üzrə 84 min 845,25 manat məbləğində cərimə tətbiq edilib və ondan 3 min 567 manat ödənilib. Ətraf mühitə dəymiş ziyanla bağlı 15 iş üzrə 2 min 745,3 manat məbləğində iddia qaldırılıb və ödənilib. İdarə və müəssisələrə 189 iş üzrə 14 min 380 manat məbləğində ödəmə tətbiq edilib və ödənilməsi təmin olunub. Tədbir görülməsi üçün hüquq mühafizə orqanlarına göndərilmiş 1, məhkəmələrə göndərilmiş 2 işə baxılmayıb. Məhkəmə icraçılarına göndərilmiş 6 işdən 3-nə baxılaraq müvafiq tədbir görülüb.

Yerin təkinin mühafizəsi sahəsində aşkar olunmuş qanun pozuntularına görə 116 akt və 84 protokol tərtib olunub, müəyyən edilmiş nöqsanların aradan qaldırılması üçün müvafiq qanunvericiliyə əsasən 16 icrası məcburi olan göstəriş verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 143 iş üzrə 197 min 250 manat məbləğində cərimə tətbiq edilib, 40 min 550 manat ödənilib. Ətraf mühitə dəymiş ziyanla bağlı 76 iş üzrə 1 milyon 23 min 738,71 manat məbləğində iddia qaldırılıb, 44 min 459,09 manatın ödənilməsi təmin edilib. İdarə və müəssisələrə 45 iş üzrə 26 min 794,21 manat məbləğində ödəmə tətbiq edilmiş və ödənilməsi təmin olunub. Tədbir görülməsi üçün hüquq mühafizə orqanlarına göndərilmiş 13, məhkəmələrə göndərilmiş 2 işə baxılmamışdır. Məhkəmə İcraçılarına göndərilmiş 57 işdən 4-nə baxılaraq müvafiq tədbir görülüb.

Tullantıların idarə olunması sahəsində dövlət nəzarətinin mövcud qanunvericiliyə uyğun tətbiqi nəticəsində 540 akt və 232 protokol tərtib olunub, müəyyən edilmiş nöqsanların aradan qaldırılması üçün müvafiq qanunvericiliyə əsasən 349 icrası məcburi olan göstəriş verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 203 iş üzrə 394 min 385 manat məbləğində cərimə tətbiq edilib, 98594,4 manat ödənilib. Ətraf mühitə dəymiş ziyanla bağlı 24 iş üzrə 9 min 802 manat məbləğində iddia qaldırılıb, 2 min 162 manatın ödənilməsi təmin edilib. İdarə və müəssisələrə 1194 iş üzrə 164 min 439,43 manat məbləğində ödəmə tətbiq edilib və ödənilməsi təmin olunub. Tədbir görülməsi üçün hüquq-mühafizə orqanlarına göndərilmiş 3, məhkəmələrə göndərilmiş 2 işə baxılmayıb. Məhkəmə İcraçılarına göndərilmiş 113 işdən 15-nə baxılaraq müvafiq tədbir görülüb.

Floranın mühafizəsi sahəsində aşkar olunmuş qanun pozuntularına görə 630 akt və 226 protokol tərtib olunub, müəyyən edilmiş nöqsanların aradan qaldırılması üçün müvafiq qanunvericiliyə əsasən 48 icrası məcburi olan göstəriş verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 233 iş üzrə 5 milyon 103 min 686,9 manat məbləğində cərimə tətbiq edilib, 52 min 12,58 manat ödənilibr. Ətraf mühitə dəymiş ziyanla bağlı 256 iş üzrə 66407,66 manat məbləğində iddia qaldırılıb, 43 min 227,65 manatın ödənilməsi təmin olunub. Tədbir görülməsi üçün hüquq mühafizə orqanlarına göndərilmiş 61 işdən 3-nə, məhkəmələrə göndərilmiş 28 işdən 3-nə, məhkəmə icraçılarına göndərilmiş 159 işdən 42-nə baxılaraq müvafiq tədbir görülüb.

Faunanın mühafizəsi üzrə 56 akt və 68 protokol tərtib olunub, qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 73 iş üzrə 64145 manat məbləğində cərimə tətbiq edilib, 10 min 351 manat ödənilib. Ətraf mühitə dəymiş ziyanla bağlı 10 iş üzrə 4383,32 manat məbləğində iddia qaldırılıb, ondan 1981,14 manat ödənilib. Tədbir görülməsi üçün hüquq mühafizə orqanlarına göndərilmiş 10 işdən 3-nə, məhkəməyə göndərilmiş 1 işə, Məhkəmə İcraçılarına göndərilmiş 39 işdən 4-nə baxılaraq müvafiq tədbir görülüb.

Su hövzələrində bioloji resursların artırılması və mühafizəsi sahəsində 21 akt və 64 protokol tərtib olunub. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 6 iş üzrə 3550 manat məbləğində cərimə tətbiq edilib və ödənilib. Dəymiş ziyanla bağlı 113 iş üzrə 49239,48 manat məbləğində iddia qaldırılıb, ondan 30690,48 manatın ödənilməsi təmin edilib. Tədbir görülməsi üçün hüquq mühafizə orqanlarına göndərilmiş 24 işdən 21-nə, məhkəmələrə göndərilmiş 106 işdən 74-nə baxılaraq müvafiq tədbir görülüb. 2 obyektin fəaliyyəti dayandırılıb.