Yanvarın 5-də həkimlər imtahan verəcək

Səhiyyə Nazirliyinin həkimlərin sertifikasiyası məqsədilə keçirəcəyi test imtahanlarının vaxtı bəllidir. Müxtəlif ixtisaslar üzrə təşkil olunacaq imtahanların qrafiki də artıq hazırdır.

Lent.az-ın məlumatına görə, nazirliyin hazırladığı qrafikə uyğun olaraq, ilk test imtahanları yanvarın 5-də mama-ginekologiya və terapiya ixtisasları üzrə keçiriləcək. İmtahanlar hər ay müxtəlif ixtisaslar üzrə olmaqla ilin sonunadək davam edəcək. 28 dekabr 2011-ci il tarixdə isə gigiyena və plastik cərrahiyyə ixtisasları üzrə keçiriləcək imtahanla həkimlərin sertifikasiyasına yekun vurulacaq.

Yanvar ayı üçün test imtahanlarının keçirilmə qrafiki:

№	İxtisasın adı	Tarix	Başlanma saatı	Zalın kodu
1	Mama-ginekologiya	05.01.2011	10.00	Zal A1
2	Terapiya	05. 01.2011	10.00	Zal A3
3	Anestiziologiya-reanimatologiya	12. 01.2011	10.00	Zal A2
4	Pediatriya	12. 01.2011	10.00	Zal A3
5	Oftalmologiya	19.01.2011	10.00	Zal A2
6	Ümumi cərrahiyyə	19.01.2011	10.00	Zal A1
7	Dematoveneralogiya	26. 01.2011	10.00	Zal A2
8	Kardiologiya	26. 01.2011	10.00	Zal A1

Xatırladaq ki, Səhiyyə Nazirliyi həkimlərə kömək məqsədilə test imtahanların əvvəl tibb işçilərin üçün sınaq imtahanları da təşkil edir. Sertifikasiyaya dair sınaq imtahanları yanvarın 13-ü və 14-də Revmotologiya, Mikrobiologiya, Neyrocərrahiyyə və Stomatologiya ixtisasları üzrə keçiriləcək. Sınaq imtahanlarında öz ixtisasına uyğun olaraq, könüllü iştirak etmək istəyən tibb işçiləri yanvarın 10-dək qeydiyyatdan keçməlidir.

Elxan SALAHOV