Fənn olimpiadasının ilk mərhələsi yekunlaşdı
06 dekabr 2010 12:32 (UTC +04:00)

Fənn olimpiadasının ilk mərhələsi yekunlaşdı

Bakı şəhəri üzrə Təhsil İdarəsinin paytaxt məktəbliləri arasında keçirdiyi fənn olimpiadasının birinci mərhələsi başa çatıb.


İdarənin ümumi təhsil sektorunun müdiri Firudin Həmzəyev Lent.az-a bildirib ki, bilik yarışında 310 məktəbdən 7400 şagird iştirak edib. Ümumilikdə 13 məntəqədə təşkil olunan yarışmanda 7-11-ci sinif şagirdləri 9 fənn (Azərbaycan dili və ədəbiyyatı, Azərbaycan tarixi, fizika, kimya, biologiya, riyaziyyat, informatika, coğrafiya və xarici dil) bilik və bacarıqlarını sınayıb.


Firudin Həmzəyev deyib ki, birinci mərhələnin nəticələrinin yoxlanması yaxın günlərdə başa çatacaq. Bu mərhələnin qaliblər yanvarın 9-da keçiriləcək ikinci mərhələdə – olimpiadanın Respublika turunda iştirak edəcəklər.

Elxan SALAHOV
1 2 3 4 5 İDMAN XƏBƏRLƏRİ
# 727

Oxşar yazılar