Vergi orqanları işçilərinin aylıq vəzifə maaşları müəyyənləşdi

Nazirlər Kabineti vergi orqanları işçilərinin aylıq vəzifə maaşlarının Azərbaycan Respublikasında dövlət qulluqçularının aylıq vəzifə maaşlarının məbləğlərinə uyğun olaraq müəyyənləşdirilməsi barədə qərar verib.
Lent.az-ın Nazirlər Kabinetinin rəsmi saytına istinadən verdiyi məlumata görə, vergi orqanları işçilərinin aylıq vəzifə maaşları bu qərarın 1-3 nömrəli əlavələrinə uyğun olaraq müəyyən edilməlidir.
Nazirlər Kabinetinin 2010-cu il 25 noyabr tarixli 219 nömrəli qərarına 1 nömrəli əlavə
Vergilər Nazirliyinin aparatının işçilərinin aylıq vəzifə maaşları

Vəzifələrin adı	Aylıq vəzifə maaşı (manatla)
Aparatın rəhbəri	800
Aparatın rəhbərinin müavini	710
Baş idarənin, təminedici idarənin və şöbənin rəisi	660
Baş idarənin, təminedici idarənin və şöbənin rəisinin 1-ci müavini	560
Baş idarənin, təminedici idarənin və şöbənin rəisinin müavini	545
Baş idarənin, təminedici idarənin tərkibində olan idarə, şöbə rəisi, yardımçı idarənin və şöbənin rəisi	542
Baş idarənin, təminedici idarənin tərkibində olan idarə və şöbənin, yardımçı idarə və şöbənin rəisinin müavini	516
Nazirin köməkçisi	516
Baş mühasib, bölmə rəisi	495
Baş dövlət vergi müfəttişi, baş mütəxəssis, baş təhqiqatçı, baş əməliyyat müvəkkili, baş iqtisadçı, baş hüquqşünas, yardımçı idarənin tərkibində olan şöbənin rəisi, nazirin müşaviri, mətbuat katibi, dəftərxana və arxiv şöbəsinin rəis müavini	430
Böyük dövlət vergi müfəttişi, böyük mütəxəssis, böyük təhqiqatçı, böyük əməliyyat müvəkkili, böyük hüquqşünas, böyük mühasib, böyük iqtisadçı	420
Aparıcı mütəxəssis, aparıcı iqtisadçı	410
Dövlət vergi müfəttişi, mütəxəssis, mexanik, təhqiqatçı, əməliyyat müvəkkili, iqtisadçı, hüquqşünas, mühasib	400

Vergilər Nazirliyi yanında olan vergi orqanları işçilərinin aylıq vəzifə maaşları

Vəzifələrin adı	Aylıq vəzifə maaşı (manatla)
Orqanın rəhbəri	390
Orqanın rəhbərinin birinci müavini	295
Orqanın rəhbərinin müavini	280
İdarənin, şöbənin rəisi	225
İdarənin, şöbənin rəis müavini	213
Bölmə rəisi, baş mühasib, idarənin tərkibində olan şöbə rəisi	208
Baş dövlət vergi müfəttişi, baş iqtisadçı, baş mütəxəssis, baş təhqiqatçı, baş hüquqşünas, baş əməliyyat müvəkkili, baş kriminalist, xüsusi mühüm işlər üzrə böyük müstəntiq, idarənin tərkibində olan şöbə rəisinin müavini	203
Böyük dövlət vergi müfəttişi, böyük müstəntiq, böyük hüquqşünas, aparıcı mütəxəssis, böyük təhqiqatçı, böyük əməliyyat müvəkkili, böyük müvəkkil, böyük kriminalist, xüsusi mühüm işlər üzrə müstəntiq	198
Dövlət vergi müfəttişi, təhqiqatçı, hüquqşünas, müstəntiq, əməliyyat müvəkkili, müvəkkil, mütəxəssis, müstəntiq-metodist, kriminalist	182

Nazirlər Kabinetinin 2010-cu il 25 noyabr tarixli 219 nömrəli qərarına 2 nömrəli əlavə
Vergilər Nazirliyinin yerli vergi orqanları işçilərinin aylıq vəzifə maaşları

Vəzifələrin adı	Bakı şəhəri üzrə	Gəncə, Sumqayıt şəhərləri üzrə	Ərazi vergi idarələri və filialları üzrə	Şəhər, rayon şöbələri üzrə
Vergi orqanının rəhbəri	385	345	312	300
Vergi orqanının rəhbərinin birinci müavini	280	260	240	230
Vergi orqanının rəhbərinin müavini	265	245	225	220
Vergi orqanının tərkibində idarə rəisi, şöbə rəisi	217	215	213	210
Vergi orqanının tərkibində idarə, şöbə rəisinin müavini	206	204	202	200
Vergi orqanının tərkibindəki idarənin tabeliyində olan şöbə rəisi, bölmə rəisi, baş mühasib	194	192	189	188
Baş mütəxəssis, baş dövlət vergi müfəttişi, baş təhqiqatçı, baş hüquqşünas, baş idarənin, vergi orqanının tərkibindəki idarənin tabeliyində olan şöbə rəisinin müavini	189	187	185	184
Böyük dövlət vergi müfəttişi, aparıcı mütəxəssis, böyük mütəxəssis, böyük mühasib, böyük təhqiqatçı, böyük hüquqşünas	184	182	181	180
Dövlət vergi müfəttişi, mütəxəssis, təhqiqatçı, hüquqşünas, mühasib	179	178	177	176

Nazirlər Kabinetinin 2010-cu il 25 noyabr tarixli 219 nömrəli qərarına 3 nömrəli əlavə
Vergi orqanlarının xidməti heyətinin vəzifə maaşları

Vəzifələrin adı	Aylıq vəzifə maaşı (manatla)
Arxiv müdiri, sürücü	143
İnspektor (müfəttiş), təsərrüfat və anbar müdiri, surətçıxarma-çoxaltma operatoru, katibə-teleqrafçı, dispetçer, komendant, texnik, rabitəçi	139
Kargüzar, arxivçi, ekspeditor, katibə-makinaçı, katib (katibə)	135
Kuryer	132
Xidməti otaqları yığışdıran, yardımçı fəhlə, gözətçi, bağban, ocaqçı və digər xidmət heyəti	110

Nazirlər Kabinetinin qərarında qeyd olunur ki, Vergilər Nazirliyi üçün xidməti minik avtomobillərinin limiti 15 ədəd müəyyən edilsin. Bu qərarın əlavələrində nəzərdə tutulmayan vəzifələr üzrə maaşlar Maliyyə Nazirliyi və Əmək və Əhalinin Sosial Müdafiəsi Nazirliyi ilə razılaşdırılmaqla, Vergilər Nazirliyi tərəfindən təsdiq edilir. Maliyyə Nazirliyinə tapşırılır ki, vergi orqanları işçilərinin vəzifə maaşlarının artırılması ilə bağlı tələb olunan xərclərin maliyyələşdirilməsi üçün müvafiq tədbirlər görsün. Naxçıvan Muxtar Respublikasının Nazirlər Kabinetinə tapşırılır ki, Naxçıvan Muxtar Respublikası ərazisində fəaliyyət göstərən vergi orqanları işçilərinin vəzifə maaşları ilə bağlı müvafiq qərar qəbul etsin.
Nazirlər Kabinetinin qərarına görə, “Azərbaycan Respublikasının vergi orqanları işçilərinin vəzifə maaşları haqqında” Nazirlər Kabinetinin 2003-cü il 26 fevral tarixli 31 nömrəli qərarı (Azərbaycan Respublikasının Qanunvericilik Toplusu, 2003-cü il, № 2, maddə 146; 2004-cü il, № 9, maddə 748; 2005-ci il, № 7, maddə 666; 2006-cı il, № 9, maddə 827; 2007-ci il, № 2, maddə 200, № 4, maddə 388; 2008-ci il, № 2, maddə 121, № 10, maddə 933) qüvvədən düşmüş hesab edilir.