Ölkənin ilk rəqəmsal televiziyası 3 yaşını qeyd edir - FOTO
11 noyabr 2010 13:45 (UTC +04:00)

Ölkənin ilk rəqəmsal televiziyası 3 yaşını qeyd edir - FOTO

2007-ci ildən yayıma başlayan Regional Televiziya Şirkəti 3 yaşını qeyd edir. Ölkə televiziyaları arasında ilk dəfə rəqəmsal texnologiya ilə təmin olunan RTV Azərbaycanın şimal bölgəsində yayımlanır. Həftə ərzində müəyyən olunan qrafikə uyğun olaraq 30-dək layihə tamaşaçıların ixtiyarına verilir. Verilişlərin hazırlanmasına və yayımlanmasına 4 departament məsuldur. Ümumilikdə efirdə yayımlanan hər bir material RTV ailəsində çalışan 65 nəfərin birgə səyi nəticəsində ərsəyə gəlir. Fəaliyyəti dövründə uğurları ilə fəxr edən RTV ailəsi geniş tamaşaçı kütləsi əldə edib və 4 yaşa gedən yolda izləyicilərinin görüşünə yeni layihələrlə çıxmaq niyyətindədir.

Qeyd edək ki, RTV Məhdud Məsuliyyətli Cəmiyyəti 2006-cı ildə yaradılıb. 15 noyabr 2007-ci il tarixdən fəaliyyətə başlayıb. 43-cü kanalda yayımlanır. Televiziyanın icraçı direktoru Məhsim Məhsimovdur.

Vəli Turan
# 673

Oxşar yazılar