Hava yağmurlu keçəcək

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, şimal, şimal-şərq küləyi əsəcək. Havanın temperaturu gündüz 11-13, axşam 10 dərəcəyə yaxın isti olacaq.

Noyabrın 2-də havanın dəyişkən buludlu olacağı, arabir tutulacağı, gecə və səhər bəzi yerlərdə çiskinli az yağış yağacağı gözlənilir. Şimal, şimal-şərq küləyi axşam cənub-qərb küləyi ilə əvəz olunacaq. Havanın temperaturu gecə 8-10, gündüz 12-14 dərəcə isti olacaq.

Noyabrın 3-də hava dəyişkən buludlu, əsasən yağmursuz keçəcək. Cənub-qərb küləyi əsəcək. Havanın temperaturu gecə 8-10, gündüz 13-15 dərəcə isti olacaq.

Noyabrın 4-də havanın dəyişkən buludlu olacağı, gündüz arabir tutulacağı, əsasən yağmursuz keçəcəyi gözlənilir. Cənub-qərb, cənub küləyi əsəcək. Gecə 8-11, gündüz 14-17 dərəcə isti olacaq.

Noyabrın 2-də Azərbaycanın qərb rayonlarında havanın, əsasən yağmursuz, səhər duman olacağı, şərq rayonlarında havanın arabir yağıntılı keçəcəyi, noyabrın 1-dən
2-ə keçən gecə Lənkəran-Astara bölgəsində yağıntıların intensiv olacağı gözlənilir. Şərq küləyi əsəcək. Gecə 4-9, gündüz 15-18, dağlarda gecə 2 dərəcə şaxtadan 3 dərəcəyədək isti, gündüz 5-9 dərəcə isti olacaq.

Noyabrın 3-4-də hava, əsasən yağmursuz keçəcək, gecə və səhər ayrı-ayrı yerlərdə duman olacaq, şərq küləyi əsəcək. Gecə 5-10, gündüz 16-21, dağlarda gecə 0-3, gündüz 6-11 dərəcə isti olacaq.

Yaxın 3 gün ərzində Abşeron yarımadasında hava şəraitinin tədricən mülayimləşməsi əksər meteohəssas insanlar üçün əlverişli olsa da, noyabrın 4-də atmosfer təzyiqinin xeyli enməsi fonunda arabir güclənən gilavar küləyi bəzi meteohəssas insanlarda narahatlıq hissi yarada bilər.