ABU-nun tələbləri Təhsil Nazirliyinin qarşısına toplaşıb

Sentyabrın 1-dən fəaliyyəti dayandırılmış Azərbaycan Beynəlxalq Universitetinin (ABU) bir qrup tələbəsi və onların valideynləri bu gün Təhsil Nazirliyi qarşısına toplaşıblar. Lent.az-ın məlumatına görə, əsasən başqa universitetlərə köçürülən tələbələrdən ibarət olan aksiyaçılar oxuyacaqları ali məktəblərdə təhsil haqqının yüksək olmasından narazıdırlar. Onlar problemin həll olunmayacağı təqdirdə aksiyanı davam etdirəcəklərini bildiriblər.

Nazirliyin qarşısına toplaşmış tələbələrin qarşısına Təhsil Nazirliyi aparatının baş məsləhətçisi İlyar Vahabov çıxıb. O, aksiya iştirakçılarını sakitləşdirərək bildirib ki, hər bir özəl ali məktəb təhsilhaqqını müəyyənləşdirməkdə sərbəstdir və Təhsil Nazirliyi bu işə qarış bilməz. Onun sözlərinə görə, nazirlik fəaliyyəti bağlanmış ABU-da qanuni təhsil alan tələbələrin başqa ali məktəblərə köçürülməsi məsələsində onlar üçün mümkün olan hər şeyi edib.

Elxan SALAHOV