Azərbaycanda 298 mətbu nəşr dövlət qeydiyyatına alınıb

Azərbaycanda ötən il 298 mətbu nəşr dövlət qeydiyyatına alınıb. Trend News-un məlumatına görə, bu barədə hökumətin ötən ilin yekunları ilə bağlı Milli Məclisə təqdim etdiyi hesabatda bildirilib.
Son beş ildə Azərbaycanda 2600-dən çox mətbu nəşr dövlət qeydiyyatına alınıb.
Hesabatda həmçinin bildirilib ki, qeyri-kommersiya qurumlarının qeydiyyatı 2003-cü illə müqayisədə 2,4 dəfə artaraq 2008-ci ildə 242 olub, onların sayı isə cəmi 3200-ü ötüb.
Azərbaycanda 3300-dən çox kütləvi informasyia vasitəsi qeydiyyatdan keçib. Hazırda onlardan 600-ə yaxını fəaliyyət göstərir. Təxminən 400-ə qədər qəzet və jurnal dərc olunur, 20-dən çox telekanal fəaliyyət göstərir. Azərbaycanda 50-yə yaxın elektron KIV, təxminən 20 informasiya agentliyi var. Qalanları isə internet resurslarıdır.